من كلامك ومن كلامي نحس بأشواق ومعاني .. مسجات جوال

وش حـيله اللي علته داخــل الجـوف
نار الفراق بوسط صدره تصــلا
وش حيلتي ياناس والحال منصوف ؟
منصوف نصفين على اللي تغـلا
نصف يقـول اصبر ترى يحن ويـروف
ونصف يقـووول
.. ~ من تغـلا تخــلا ~ ..

نسيتك قالها قلب يعاني
لحظه السكرات .!.
وعلى نعش الهوى
كلمه نسيتك من شراييني .!.
خلاص مرحومي شيعته
صدمني واندفن بسكات .!.
تقبلت التعازي وانت
ولا فكرت تعزيني .!.

شخص يزعلني جعل ربي يشله
أصعب شلل يكون ما يوجد دواه..
ولا برص يضفي على الجسم كله
يبدا بوجهه ثم يمشي على عضاه..
ولا مرض طاعون حتى يغله
يسمع علاجه بس من دون يلقاه..
ويصاب بالسكر حتى يحله
حتى المشي بالرجل ما عاد يقواه..!!

نفسي عزيزه وافهم العلم لاهنـت
الـذل مايـومٍ بعمـري تبعـتـه
رفضت غيرك وانت بالحب مالنت
ياقرد حظي يوم غيرك رفضتـه
واذا الغلا يرجع على معرفة نت
انسى الذي بينـي وبينـك كتبتـه

يـا نجــم يالـلي تقول الناس من حدري
يـا صفقة الطيب .. عند البايع الشاري
يـا مـبدع بـطـعـنـتي .. يا ذوق في غدري
لله درّي .. و درّ الـصـدق بــأشـــعـــاري
عــرفــت قـدرك .. و لانـي جــاهــل بــقـــدري
مـشـكــور جــداً .. عـلــى تـقـصـيــر مــشــواري

عرفت الناس والدنيا وطريقي
وعرفت ان الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريقي
تنكر من هواي ومن حناني!!!

تخيلتك وانا جالس بين الناس وحداني
تذكرتك وقمت اضحك بس العين زعلانة ..!!
راحت تشكي وتقول متى بأشوف خلاني ؟
فجــــأة
اذا بالنــاس بدت تســأل ولهــااانـة
ورى عينـك تصـب الدمـع
عسـى ماهو خبـر شيني ..!!
تبسمـــت
وقــلت :
لاجفــووون العيــن تعبـــاااانة ..!!

دخيل المكان اللي جمعنا وله وإعجاب
إذا لي معزه طاري البعد لاتطريه
لو تشوف وضعي عند ماتلتقي الأهداب
لك الله لو لك نيـة(ن) بالجفا تلغيه
أنا وانت غايب كن وسط العيون تراب
تنام الخلايق وإلا أنا النوم مالي فيه!!

حط جرحك وسط جرحي وأستريح
وأرمي همومك علي وخلها خل واحد مننا يصبح
جريح وواحد يعيش الحياة بفلها هو صحيح
بتكثر جروحي صحيح لكن جروحك من اللي ملها؟؟
حافظك في وسط عيني ماتطيح أصلا لو طحت أنت عيني من لها؟؟

انتهت مأساة عمري في هواك
ما اصدق كيف ع الفرقى قويت
التسامح فات لاتنظر وراك
لاتخط بحسرتك الفين بيت
في الهوى الله يحسن لك عزاك
انعني واقبل تعازي من هويت
اعتذر ماعاد بي وقت معاك
انتهى حبك .. مع الحب انتهيت

طويله قصة عيونك وأنا عمري بها موجود...!
تعيشني الأمل لحظة وتكسر حاجز الواقع!!
يقولوا من قديم الوقت : (من سافر يعود)
وأنا سافرت في عيونك ولا أدري متى راجع
متى؟؟؟

جيت وناسي شصار بيه
شايل همومي بيديه
ومن جديد أصبحت ضدي
وضاع من إيدي القرار
عفتني وعفت القلب
تايـه بليل القـطـار
إنت مو صاحب نهايـه!!

سامح الله طبعي اللي للتغير يا لعله
قاضبن خلك عزيز ولين صارت لي عقوبه
ليش تحسب غلطة الصاحب على الصاحب مذله
ليش ماتحسب ميانه لو تجي عشرين نوبه

من قـال أنـا ميتـه عليـك
اصـلاً أنـا مـاعاد ابيـك
تبغاني خاتـم بأصبعـك
ياشيــــخ ذا بـدري عليـك
لاتخـلـط اوراق الهـوى
كلـن تـرى لـه مستـوى
وكانـك على غيري قدرت
أصابعك ماهـي سـوى

منك اتعلمت كيف اقسى وكيف ابدي الشفاعه
كيف ازيف رقة اسلوبي وتأثير اندفاعي
طار طيرك في فضا غيري وبالغ بارتفاعه
والنتيجه تاه عن دربي وساهم بالتيــــاعي
شي مؤسف لو تخلا الخل عن خله وباعه
وانكر العشره وخان الود ذي له كان راعي
قمة المأساه لو صار الوفا مثل البضاعه
بالرخص ينباع ياسوء السلوك الاجتماعي

لو صحيح إن الحبيبين يجمعهم مصير
كان نفس اللي حرمني من النوم حرمه
والله إن مروتي ولعـت فيني سعير
يوم شفته تل قلبي وداسه بقدمه
مارحم زهرة شبابي وانا توي صغير
لين ضيق خاطري ضيق الله نسمه

أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك ولا عشرة من اشكالك

من يفتح لفرقاي باب أفك له عشرين باب
وإذا خويي مايقدر خوتي ماأقدره
الصاحب اللي مايجي من صحبته غير العذاب
نذرٍ علي إن ماهجرني وإلا أنا اللي بهجره

لاتفكـر إنك لو تغليت أباجيــك
كلما اتغلــــى زود..صــــدي يزودي
وإن كان حارت صورتي وسط عينيك
مانيب أنا صوره سكنها الجمودي
لاتحسب إني لعبـةٍ بيـن أياديـك
كلي تحدي وكبـــــــــريا ء وصمـــودي
الله خلقني ند وأقـدر أجاريـك
وماأعجز إنـي أحبســـــــك بقــيــــودي

اذا فيه بكتاب النحو للفراق اعراب
فهو فعل مطلق بالبشر والجفا ماضيه
ألا ليت ربي ماخلق في الغرام غياب
واذا في فرقا طاري الحب لانطريـه

أهـون علـي الموت من زود وجدي
ولا تـوسل ساعـةٍ بين أياديك
أقــولهـا مجــبور ماهـــوب ودي
أفعالك اللي غيرت نظرتي فيك

مافيه داعي للعتب والمعاذير
الغدر خال الجرح واطيب عمامه
اما يجيب الله مطر ... تالي وخير
والا السلامه (مااااش) ما من سلامه

لايحسبنـي عايشـن بالمـسـرات
واللي خلقني كل امـوري رديـه
اصبر واجامل والصدر فيه ضيقات
عسا الفرج منـك يـارب البريـه
ابيه يذكرني علـى كـل الاوقـات
يذكـر حبيبـه بالمحبـه وفـيـه
خلـوه دايـم يعتبرهـا سهـالات
وترا الخوي دايم ما ينسـا خويـه

أخـطـيـت فـــي حـقــي
ولا كـنــك اخـطـيـت
سـكــت لأن الـصـمــت
حـشـمــه لـلأجـنــاب
الله يـهــنــيــك بـحــنــانــه
ويــالــيـــت تـاخــذ مـعــك
ذكـــراك.. وتـسـكـر الــبــاب

مسموح ابعد عن هواي
مقدر اجامل واخدعك
أسمحلي لو تلقى سواي
غيري ترى ماينفعك
ظنيت بك شوقي ورجاي
والعمر اقضي به معك
والغالي ارخصته معاي
حسبي على من دلعك

لاتتأسف .. مــا أبي منك اعتذار
أبيك ترد أيام عمري مثل ماضيعتها
أبي أرجع مثل ماكنت(فلانه) شمعة الدار
اللي من عرفتك ( إنت ) انطفى نورها
وأبيك تسدد ديون(ن) غدت فرقبتك كثار
وماظنك لوقضيت العمر كله تحت رجلي بتسدها

يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني!!

علم غرورك عزتي مالها حد
ولي وجه غير الود مابي تشوفه !
ايام صدك عدها لاخر العد
ونشوف انا والا انت يلقى الحسوفة !

من قال لك قلبي مع السيل ينقاد ؟
صحح مفاهيمك وصحصح معايا
يا صاح لي قلب عن الكيف نشاد
ما يمشي إلا إذا قلت: هذا هوايا
أنا معك قلبي شراويه العناد
لـكــن ليا حبك يسوي سوايا

لا تنصدم اذا قلت انا اليوم مـا أبيك
القلب عافك و انتهى اليوم دورك
اعميتني بحبك عسى الله يعميك
ورميتني يا شين بـ أعمق بحورك
يالله توكل لا تجيني و لا أجيك
يـالله حبيب أمك قوم رتب امورك

مالي مزاج ..
ارجع اقلب دفاتر ..
اوراقها تجريح ..
وسطورها عتاب ..
مالي مزاج ..
انظر لصوره قديمه
فيها الملامح تضحك ..
بوجه كذاب

هنيت نفسي بحبك يابعد عمري
قلبك حبيبي وعيونكـ أجمل أحبابي
كل المشاعر تعيش الحب بصدري
و السعد أشرق من عيوني و أهدابي
انت نهاري و انت شمسي وفجري
جذاب طبعك وحسنك صدق جذابي
غلاك اسرني .. و انا اللي راضي بأسري
في قربك القلب طاب وخاطري طابي ان شفتك
أفرح بشوفك يا بعد عمري وان غبت كل الهنااا عن دنيتي غابي

من كلامك ومن كلامي نحس بأشواق ومعاني
ولو تباعدناا حبيبي تزعل قلوب وتعاني
أدري هالدنيا ما منها أمان
بس أنا وياك نتحدى الزماان
لو تدور الدنيا عمري مانسيتك
لو تبيع أيامي يالغالي شريتك
ولو تزيد أحزاني من فرح قلبي عطيتك

صدقيني
مهما بالدنيا انشغلت
مهما غبت وما سألت
أنت موجود ببالي
غالي ولك قدر عالي
و مهما غبت أنا أعترفلك
في رسالة كلها شوق ومحبة
أعترفلك !!
في بعادك و في غيابك .
( أني أشتاق لك ولشوفتك )

كل ليل دون صوتك ينقضي قهر وظلام
مثل طفل ضايع وسط الملا يصرخ كسير
كل لحظه في غيابك ترسل لقلبي سهام
وكل جرح في وجودك يصبح يعني يسير
من يموت بحبك لا حشى مالهـ ملام
تاج رأس البشر من يلبسهـ يصبح أمير

يقولون أنساك
أنااا ... أنساك
لا والذي تركع له الناس وتصوم
منساك لين الروح تلقى وعدها
أنت الذي حبك في القلب مرسوم
مرسوم في قلبي وطيفك رصدهاا
أنت الحياه وبغيرك اعيش محروم
يا كيف روح تغتني عن جسدهاا

منك وعليك وفيك
كل الحلى ذاب
يا منتهى حلم الغلا والمحبة
عجزت أعرف بناظري سر الإعجاب
يا من عطاهـ أحلى حــــلا الناس ربه
ثقل
وعقل
واسلوب
ساحر
وجذاب
وشلون ما تزداد فيك المحبة

انت اقرب الناس وانت محبوبي
انت القريب البعيد
ومني وفيني
انت الامل ... انت عمري ... انت مطلوبي
وانت القصايد ... وانت شعري ... وفرحة سنيني
وش فيه لا صرت أحبك وانت محبوبي
في ذمتك بعد هذا وش تسميني
انا السعادهـ في حياتك ؟! والا الجراح
أنا حبيب ... ودايم وفي
والا غريب ... ودايم يخون
أنا العقل بدنيتك والا الجنون ؟!؟!أبسألك ورد علي
في دنيتك ... من أكون

لا جارت الدنيا ترى الروح تفديك
اسقيك صافي الماء وانا اموت ظامي
واقول تسلم جعل ربي يخليك
جور الزمن ما صابني منه كافي
اطلب ترا لو تطلب الروح انا اعطيك
ولأجلك ادوس الشوك لو كنت حافي

فديتك" كلمهـ تعني فداك القلب والوجدان
معانيهاا غلا و أشواق تموت بطيبهاا أحزاني
"فديتك" في زمان شح فيه الصاحب الانسان
"فديتك" دمعهـ عذبهـ تطفي نار حرماني
"فديتك" يا بعد عمري ترجح كفة الميزان
غلاك بقلبي لو تدري تمكن وسط وجداني

عطني العذاب الي بحياتك تعانيهـ
وعطني دموعكـ وحطها في دموعي
لكن تدري ..!!!
ما أحبكـ !!
ولا أحتاجلك !!
ومليت منك !!
واللي مضى بيني وبينك نسيتهـ ..!!
هذا الكلام اللي لو أموت ما جاك مني
ولو ماتوا قهر ما حكيته

أبي كلمة ولا قيلت ولا مرت بعد في كتاب
وأبد ما جات على بالك وبال اللي يعرفونك
أبيهااا سهلهـ لانطقناهااا صعب بالحيل معناهاا
أبيهاا أغلى من الجوهر
أبيها أحلى السكر
أبيها أزكى من أنفاس الزهور اللي جمعناها
أبيهااا لك ولا غيرك بياصلهااا ولا يقدر
و إذا انقالت لغيرك ظلمناهاا
تعال ندور كلكهـ
نحاول قد مانقدر
واحس إن السكوت أبلغ إذا ما لقيناها

تدري وش أحلى الصدف ..!!
إنك تسير بلاهدف
ما بين يأسك والظنون
تطيح بقلب واحد حنون
ياخذك من وسط الألم
ويبادلك نفس الحلم
يعلمك سر الجنون
ويفهمك من حكي العيوووون
إنهـ يعزك "للأبد"

احترت وش أكتب لإنسان عزيتهـ
على كل الناس والدنيا بديتهـ
ضاع الكلام وضاع الشعر وبيتهـ
أدري إني لو بعت لخاطرهـ عيني ما وفيتهـ
سكن خفوقي وتربع فيه وياليتهـ.
يدري اني من بد كل الكون أغليتهـ

كل ما يسأل حبيبي وش كثر عندي غلاهـ؟
أشهق وأرفع يديني كثر هالدنيا و زود
يبتسم ويهز راسهـ "ادري" ويحرك شفاهـ
آآآآآآآآآآهـ يا حلو سؤالهـ .. ما يدور لهـ ردود
ما سأل لجل يتاكد يدري مالكني هواهـ
كل مافيني نطق به..,, والقصايد له شهود

وين الردود

مشكووور
_________________
مشكلهـ ..!!
لما تـ ح ــب شخصـ وماتقـدر تحكم على مشاعركـ يعني صدق او مرآآهقهـ ..؟؟؟؟
واللهـ حآآآآلهـ ..!!!

مشكوووور على المرور

والله مافهمت شيء

مشكور

عادي مو مهم فهمك امزح لا تزعل

مشكووور على المرور

مشكوووووووووووووور على الموضوع
_________________

مشكوووور على المرور

مشكوور ع الموضوع

مشكور<<<موب حلا
_________________
مشكلهـ ..!!
لما تـ ح ــب شخصـ وماتقـدر تحكم على مشاعركـ يعني صدق او مرآآهقهـ ..؟؟؟؟
واللهـ حآآآآلهـ ..!!!